Oriz ( rizoto ) me pulë në furrë ( Receta gatimi nga Daniela Pepa )

Marim një tenxhere, vemë pulën të ziej pak me ujë dhe kripë, kur të ziej e shikojmë me pirun nëse ngulet atëherë është gati që ta vemë në furrë bashkë me orizin dhe perimet e tjera.

Ndërkohë në një tigan përgatisim perimet, në fillim hedhim pak vaj ulliri më pas qepën që e kemi grirë të hollë dhe të vogël, e përziejm mirë e mirë derisa të marrë qepa pak ngjyrë,

më pas hedhim specin jeshil që edhe atë e kemi grirë hollë dhe karrotat të grira rrathë-rrathë të vegjël, i kaurdisim së bashku, mbas 2 minutash hedhim kungullin në copa të vogla dhe në fund bizelet, i përziejm së bashku mirë e mirë derisa të skuqen pak fare dhe në fund do hedhim orizin, kripën dhe erezat e përziera, i përziejme sëbashku të gjitha për 2-3 minuta dhe në fund e vemë në një tepsi mesatare,

hedhim masën aty dhe sipër i hedhim lëngun e mishit të pulës që është zier dhe sipër vedosim pulën për ta pjekur sëbashku me masën që përgatitëm, sipër pulës hedhim pak gjalp dhe është gati për në furrë, e shikojmë me sy derisa të thithë lëngun e pulës tava atëherë do e heqim dhe është gati. Shpresojmë t’ju pëlqejë, është e shijshme dhe e lehtë. Ju bëftë mirë.