Shpërndaje
Hapje e plotë
print
Vlerëso
Kek me portokalle, një ëmbëlsirë ndryshe nga të tjerat ( Receta gatimi nga Brikena Metaj )
Kek me portokalle. Receta e gatimit për kek me portokalle është dërguar nga Brikena Metaj 17 shkurt 2014. Fotot © Brikena Metaj
- Për të shfletuar të gjitha recetat e gatimit nga Brikena Metaj klikoni këtu
- Për të tjera receta gatimi për kek klikoni këtu
- Kushdo që ka dëshirë të publikojë fotot e gatimeve të tij/saj dhe receta gatimi në KuzhinaIme.al është i/e mirëpritur, mësoni më shumë duke klikuar këtu
Mësoni si të përgatisim kek me portokalle duke ndjekur udhëzimet në vijim
Përbërësit
400 gr portokalle me cipë të hollë
200 gr bajame të grira
150 gr sheqer
400 gr miell
6 vezë
2 lugë maja ëmbëlsirash
Vanilje
Mbulesa:
20 gr gjalpë
120 gr kuverturë
1 lugë pana
Përgatitja
1
Lajmë portokallet dhe i vendosim në një tenxhere. Mbulojmë me ujë të ftohtë të mjaftueshëm dhe ziejmë në zjarr mesatar për rreth 2 orë, deri sa të zbuten. Pasi ftohen në ujin e zierjes, kullojmë dhe presim në copa duke hequr farat.
2
Grijmë portokallet në mixer dhe në purenë e krijuar shtojmë vezët dhe sheqerin. Më pas edhe bajamet, miell, maja duke përzier me kujdes sa të bëhet një masë homogjene.
3
Lyejmë tepsinë me gjalpë dhe hedhim përzierjen. Pjekim 60 min në furrë të parangrohur në 180 gradë. Më pas e heqim nga forma dhe e lëmë të ftohet.
4
Mbulesa: Shkrijmë në banjëmari çokollatën kuverturë të copëzuar, shtojmë gjalpë dhe pana. E shtrojmë mbi kek ende të ngrohtë dhe pasi ngrin zbukurojmë me feta portokalli dhe bajame të grira.
Ju bëftë mirë
Ju bëftë mirë
Receta të tjera Më shumë nga autori
