Reçel (gliko) kumbulle vlonjate ( Receta gatimi nga Marina )

Reçel (gliko) kumbulle vlonjate. Receta gatimitështë dërguar nga Marina 14 gusht 2013. Foto © Marina

Për të shfletuar të gjitha recetat e gatimit nga Marina klikoni këtu
Për të tjera receta gatimi për reçel klikoni këtu
Kushdo që ka dëshirë të publikojë fotot e gatimeve të tij/saj dhe receta gatimi në KuzhinaIme.al është i/e mirëpritur, mësoni më shumë duke klikuar këtu

Mësoni si të përgatisim reçel ( gliko ) kumbulle duke ndjekur udhëzimet në vijim

5482 shikime

S'ka vlerësime

12 orë

Përbërësit

2 kg kumbulla vlonjate,

1.5 kg sheqer,

3 gota uji,

2 apo 3 gjethe barbarozë

2 apo 3 lugë gjelle me lëng limoni

ujë gëlqereje (i kulluar, i tejdukshem e pa copa gëlqereje brënda)

bajame të qëruara

Përgatitja

Me veglën e posaçme heqim bërthamat nga kumbullat por mund të përdorim edhe një gozhdë të re të cilën e kalojmë në zjarr njëherë ose e pastrojmë me alkool. I qërojmë kumbullat nga lëkura dhe i hedhim në ujin e gëlqeres për të paktën 6- apo 7 orë.

Ndërkohë përgatisim shurupin: Në një tenxhere të thellë hedhim sheqerin dhe ujin. E ziejmë derisa të lidhet (vemë një pikë shurup mbi thua, nëse qëndron është gati, nëse rrjedh do zier pak akoma).

Heqim kumbullat nga uji i gëlqeres, i shplajmë me ujë të bollshëm dhe i hedhim në shurupin e gatshëm që mer valë. Ziejmë për 1-2 orë. E mbyllim zjarrin. E lemë të ftohet për rreth 12 orë.

Në këtë fazë nëse dëshirojmë mund të shtojmë bajamet. Heqim një nga një kumbullat nga shurupi, vendosim brenda bajamet i rivendosim në shurup dhe i ziejmë prapë për rreth 1 orë. Në valën e fundit shtojmë gjethet e barbarozës dhe 2-3 copë karafila. E ndajmë në enë qelqi të pastër e të thatë dhe e konservojmë në vend të fresket .