Tabule ( Receta gatimi nga Marina )

Vendosim cous cous të pagatuar në një enë të thellë, shtojmë sipër domatet e prera shumë hollë bashkë me lëngun që kanë nxjerrë. Sallatorin e prerë hollë, majdanozin, qepën e menderzen pa i shtrydhur tu ikin lëngjet.

E lemë të paktën 2 orë në frigorifer. Lëngjet nga perime të përdorura do thithen të gjitha nga cous cous dhe do i japin mundësine të dyfishet në vëllim e të zbutet.

Nese domatet nuk kanë shumë lëng shtoni 1-2 lugë ujë në cous cous (jo më shumë, e duam për sallatë jo për supë).

Në një vazo me kapak hedhim vajin e ullirit, lëngun e limonit, kripën e piperin, i trazojmë të bëhet një masë homogjene dhe e hedhim mbi cous cous rreth gjysëm ore para se ta sevirim. Ju bëftë mirë.

Këshilla plus: 1. Nese nuk ju pret puna 2-3 orë atëherë vendosni cous cous në një tas me uje ,futeni në mikrovalë për 3-5 minuta sa të zbutet e të dyfishohet në vëllim e përdoreni menjëherë në sallatë, në këtë rast perimet e prera do i vendosni më përpara në një kullesë të ikin lëngjet e shumta e pastaj do i bashkoni me cous cous . 2. Në shumë zona në vend të cous cous përdoret grure i thyer ose bollgur. Në këtë rast duhet lënë në ujë të zbutet të paktën 4-5 orë. 3. Nëse jeni të apasionuar me djathin e bardhë mund të shtoni pak djath të thërmuar në sallatë.