Byrek me qepë dhe mish ( Receta gatimi nga Leonora Pane )

Merni një tas hidhni miellin, kripën dhe ujë deri sa të zihet brumi, punojeni mirë dhe ndajeni në 14 kulaçka të vegjël, mbulojeni me një picetë dhe lëreni, merni një tigan të thellë hidhni vajin dhe qepët të grira imët,

hidhni kripën dhe vëreni në flakë mesatare, trazojeni herë pas here deri sa të skuqet mirë pastaj shtoni mishin e grirë dhe vazhdoni ta trazoni deri sa të thahet uji që lëshon mishi, hidhni piperin, trazojeni 2-3 herë dhe hiqeni nga zjarri, merni kulaçkat dhe hapini të gjitha në madhësinë e një pjate,

pastaj ndajini 7 vendosini siper njëra tjetrës duke i lyer me vaj çdo petë, po jo të fundit, po ashtu edhe 7 të tjerat, pastaj merni njerën dhe hapeni në një petë të vetme në madhësine e tepsise që do piqni byrekun, merni tepsinë lyejini me vaj dhe vëreni njërën petë, pastaj hapni edhe petën tjetër në madheninë e tepsisë,

hidhni gjellën në tepsinë ku keni vënë petën e parë dhe hapeni në të gjithë sipërfaqen e tepsisë, vendosni petën tjetër sipër dhe bashkojini anët e të dyja petëve dhe kthejini anët si në foto, hidhini vaj sipër dhe futeni në furrë të piqet në 220° për 20 – 25 minuta, pasi të jete pjekur spërkateni me ujë të ftohtë dhe mbulojeni me picetë, e lëreni të zbutet, Ju bëftë mirë