Shpërndaje
Hapje e plotë
print
Vlerëso
Salmon me asparag deti ( Receta gatimi nga Lulzime Gjyzeli )
Mësoni si të përgatisim salmon me asparag deti duke ndjekur udhëzimet në vijim. Kjo është një nga 50 + recetat e gatimit me prodhime deti dërguar në Kuzhina Ime.
Salmon me asparag deti
Përbërësit
1 filet salmon
500 gr asparag deti
300 gr domate
1 thelb hudhre
4 lugë gjelle me vaj ulliri
1 filxhan kafeje me vodka ose raki
kripë rozë, piper rozë, fara koperi, coriander
Përgatitja
1
Filetojmë peshkun duke i hequr edhe lëkurën, e presim sin ë foto dhe e marinojmë për 30 minuta me erëzat e shtypura dhe vaj. Ndërkohë pastrojmë dhe kaurdisim me dy lugë vaj ulliri hudhrën, shtojmë asparagët dhe më pas domatet.
2
Mbyllim tiganin me kapak dhe I lemë të gatuhen me zjarr të avashtë gjersa domatet të treten dhe asparagët të zbuten rreth 10-15 minuta (asparagët nuk kanë nevojë për kripë se janë të zbutura vetë).
3
Marim një tigan antiederent dhe e çojmë në temperature, vendosim peshkun pa vaj dhe e skuqim deri sat ë krijojë kore, e shuajmë me vodka dhe anash hedhim gjellën me algat. I lemë për 5 minuta të tjera bashkë. Gati.
Receta e gatimit për salmon me asparag deti është dërguar nga Lulzime Gjyzeli 21 gusht 2016. Foto © Lulzime Gjyzeli
Receta të tjera Më shumë nga autori
