Byrek me patëllxhana ( Receta gatimi nga Ervina Saliu )

Zemë para brumin, hedhim miellin dhe gjalpin në tas dhe i përziejm mirë, më pas shtojmë ujin pak nga pak duke punuar brumin, është gati kur nuk ngjit më nëpër duar.

E mbulojmë brumin dhe e lejmë mënjanë gjer sa të pergatisim gjellën. Pastrojmë patëllxhanat nga lëkura, i presim në kubik të vegjël i vejmë në një tepsi, i spërkasim me 2 lugë vaj, i hedhim edhe kripë dhe i pjekim në furrë për 10-15 minuta gjer sa të marin ngjyrë.

Skuqim në tigan qepën dhe hudhrat gjer sa të zbuten, shtojmë patëllxhanat, domatet e prerë në copa të vogla i lejmë për pak minuta dhe i shtojmë një gotë ujë. E lejmë të ziej, kur të trashet i hedhim panën, piper dhe pak majdanoz. E lejmë për 5 minuta dhe më pas e lejmë të ftohet pak.

Marim brumin e ndajme në dy pjesë dhe të dyja pjesët i bëjmë ne tre topa të vegjël. Marim tre të parët, i hapim në madhësinë e një pjate të vogël, i lyejm çdo njërën mirë me nisheste dhe i vejmë njëra mbi tjetrën dhe e hapim në një petë.

Lyejm tavën me vaj, shtrojmë petën, hedhim gjellën dhe nga lart hapim petën tjetër në të njëjtën mënyrë si te e para. E presim, e spërkasim me pak vaj dhe ujë, e pjekim në 200 gradë rreth 30-40 minuta. Eshtë një byrek jo i zakontë por është tepër e shijshme, mua që fëmijët s’mi hanë patëllxhanat, këtë byrek e pëlqejnë jashtë mase shumë. Ju bëftë mirë