Shpërndaje
Hapje e plotë
print
Vlerëso
Byrek me spinaq, jeshilliqe, vezë dhe djath të bardhë / Traditë e Elbasanit ( Receta gatimi nga Migena Agolli )
Byrek me spinaq, jeshilliqe, vezë dhe djath të bardhë / Traditë e Elbasanit. Receta gatimit është dërguar nga Migena Agolli 2 prill 2014. Foto © Migena Agolli
Ky lloj byreku tradicionalisht bëhet në festën e Sulltan Nevruzit, por sigurisht mund ta përgatisni edhe në ditët e tjera teëvitit.
- Për të tjera receta gatimi tradicionale të Elbasanit klikoni këtu
- Për të tjera receta gatimi për byrek klikoni këtu
- Kushdo që ka dëshirë të publikojë fotot e gatimeve të tij/saj dhe receta gatimi në KuzhinaIme.al është i/e mirëpritur, mësoni më shumë duke klikuar këtu
Mësoni si të përgatisim byrek me spinaq, jeshilliqe, vezë dhe djath të bardhë / Traditë e Elbasanit duke ndjekur udhëzimet në vijim
Përbërësit
400 gr miell
gjalp
200 dl ujë
pak kripë
spinaq
12 lloje produktesh të ngrënshme, bimë dhe produkte si: spinaq, qepë të njoma, sallatë jeshile, presh, etj..( numërohen spinaqi 1, veza 2, djathi 3, mielli, qepë e njomë 4, kripa 5, gjalpi 6, vaji 7, dhe të tjerat i zëvendësojmë me pak psh sallatë jeshile 8, presh 9, majdanoz 10, koper 11, ka mundesi edhe gjethe luleje por këto të fundit në një masë të vogël sa një kokërr orizi, pra të gjitha këto përbërës bëjnë 12 lloje )
Përgatitja
1
Vendosim në një enë miellin e situr 400 gr miell, pak gjalp, 200 dl ujë dhe 10 gr kripë ose sipas dëshirës dhe shijes, pra zihet brumi i byrekut me të gjitha këto përbërës, punohet mirë e mirë me duar derisa bëhet elastik, më pas i hedhim në mes pak gjalp dhe e punojmë prap me duar, më pas bëhet mbushja e byrekut. psh me spinaq, pasi e kemi grirë spinaqin i hedhim vezë dhe djath të bardhë të bërë ne thërrime.
2
Hapet brumi në peta dhe spinaqi hidhet në dy pjesë të byrekut shtrohet, siç bëjmë zakonisht nëpër shtëpitë tona, më pas marrim 12 lloje bimësh jeshile të ngrënshme si ( numërohen spinaqi 1, veza 2, djathi 3, mielli, qepë të njoma 4, kripa 5, gjalpi 6, vaji 7, dhe të tjerat i zëvendësojmë me pak psh sallatë jeshile 8, presh 9, majdanoz 10, koper 11, ka mundesi edhe gjethe luleje por këto të fundit në një masë të vogël sa një kokërr orizi, pra të gjitha këto përbërës bëjnë 12 lloje këto futen nëpër byrek pa u kuptuar shija e tyre pasi prishin shijen e byrekut.
3
Byrekun e fusim për tu pjekur në furrë dhe pasi është pjekur e lemë pak të ftohet dhe e persim në rracione në formë trekëndëshash.
4
Më pas fusim lekun poshtë byrekut të mbështellë me një letër për higjene kuptohet, por e zonja e shtëpisë këtë e bën pa praninë e askujt, në fshehtësi që të mos e shohi njeri .. sipas traditës tepsinë e byrekut e rrotullojmë tre herë në prani të të gjithë pjestarëve të shtëpisë dhe këta të fundit zgjedhin një trekëndësh byrek dhe më pas e zonja e shtëpisë me një thikë ngre një për një pjesët e byrekut për të parë se ku ndodhet leku dhe atij personi që i bie leku ai është personi me fat ne nga të gjithë pjestarët e familjes për atë vit .
Receta të tjera
