Shpërndaje
Hapje e plotë
print
Vlerëso
Byrek me mish (Receta nga Engjellushe Tusha)
Byrek me mish. Receta gatimit për byrek me mish është dërguar nga Engjellushe Tusha 25 maj 2015. Fotot © Engjëllushe Tusha.
- Për të shfletuar recetat e gatimit nga Engjellushe Tusha klikoni këtu
- Për të tjera receta gatimi për byrek klikoni këtu
- Kushdo që ka dëshirë të publikojë fotot e gatimeve të tij/saj dhe receta gatimi në KuzhinaIme.al është i/e mirëpritur, mësoni më shumë duke klikuar këtu
Mësoni si të përgatisim byrek me mish duke ndjekur udhëzimet në vijim
Përbërësit
mish koke ose mish me kocka
kripë
vaj
miell ( sasia varet nga masa e tepsisë që do përdorni )
Përgatitja
1
Zakonisht bëhet me mish koke po unë kam përdorur mish me kocka.
2
E hedhim mishin në tenxhere, i hedhim pak kripë dhe pak vaj dhe ujë, e lemë të ziejë mbi 2 ose 3 orë deri sa mishi të këputet nga kocka.
3
Zemë brumin me ujë të vakët dhe e lemë për dy orë, kjo bëhet për arësye që petët të hapen shpejt.
4
Fillojmë hapim petët dhe i pjekim nga një mbi sobë dhe i futim në një qese. E nxjerrim mishin nga tenxherja, e bëjmë copa të vogla.
5
Hapim tre petë, i shtrojmë në tepsi, u hedhim edhe pak vaj që të mos ngjiten, marim petët e thata nga një, i njomim me lëngun e mishit, i coptojmë dhe i hapim në tepsi,
6
kështu bëjmë gjysmat e petave të pjekura, pastaj hedhim një serë nga mishi që kemi coptuar,
7
shtrojmë prapë petat e pjekura, hedhim prapë mish, gjithmonë pas petave hedhim dhe pak vaj, në fund shtrojmë edhe dy petë të njoma.
8
E futim në furrë dhe e pjekim me 200 gradë temperaturë sa të fillojë të skuqet, pastaj e ulim në 180 gradë.
Receta të tjera Më shumë nga autori
