Shpërndaje
Hapje e plotë
print
Vlerëso
Tavë kosi ( Receta gatimi nga Erjona Balla )
Tavë kosi, një recetë tradicionale Shqiptare karakteristike e Elbasanit. Receta gatimit është dërguar nga Erjona Balla 6 dhjetor 2013. Foto © Erjona Balla.
- Për të shfletuar recetat e gatimit nga Erjona Balla klikoni këtu
- Për të tjera receta gatimi për tavë kosi klikoni këtu
- Kushdo që ka dëshirë të publikojë fotot e gatimeve të tij/saj dhe receta gatimi në KuzhinaIme.al është i/e mirëpritur, mësoni më shumë duke klikuar këtu
Mësoni si të përgatisim tavë kosi me mish qingji duke ndjekur udhëzimet në vijim
Përbërësit
1 kg mish qengji
6 gota kos
8 vezë
3 lugë miell
10 lugë gjalp ose vaj
Përgatitja
1
Në tepsi vendosim mishin, i hedhim kripë dhe vaj ose gjalp, e pjekim në furrë deri sa të mpikset gjaku, e heqim nga furra dhe e lemë të ftohet.
2
Në një tas të madh shtojmë vezët, i rrahim pak dhe shtojmë kosin dhe i përziejmë për pak minuta.
3
Në tigan skuqim miellin deri sa të zverdhet. Miellit të skuqur i shtojmë lëngun e mishit që poqëm në furrë dhe ja shtojmë mases së përgatitur me kos dhe vezë.
4
I përziejmë mirë të gjitha bashkë, nese duhet prapë kripë ja shtojmë dhe në tepsinë ku kemi pjekur mishin shtojmë masën e përgatitur dhe vendosim mishin dhe e pjekim në furrë në temperaturën 200 gradë.
5
Shenim: Sipas dëshirës, nëse doni mund t’i shtoni edhe një filxhan oriz. Orizin e bëni gjysëm të zier dhe e vendosni në tepsi bashkë me masën
Receta të tjera Më shumë nga autori
