Tortë me luleshtrydhe dhe manaferra ( Receta gatimi nga Alma Palokaj )

Përziejm me rradhë miellin, lievito (peciv ose baking powder) sheqerin, gjalpin, vezët dhe lëkurën e limonit të grirë imët.

Brumin e hapim në një tepsi të lyer me gjalp. Ngerjmë anash bordeve të tepsisë brumin dhe vendosim letër furre me groshë të thata që mos të ngrihet brumi në qendër sepse do të hedhim kremin brenda kur të ftohet torta. E vendosim në furrë me 170 gradë për 25-30 minuta.

Pas 30 minutash e nxjerrim tortën nga furra dhe heqim letrën e furrës me groshë dhe e lemë të ftohet. Kur torta është ftohur i hedhim kremin me çokollatë dhe kremin me limon, e vendosim për 20 minuta në frigorifer dhe ndër kohë presim luleshtrydhet.

Mbas 20 minutash marim tortën në frigorifer dhe vendosim sipër luleshtrydhet dhe manaferrat.

Për kremin të cilin unë e përgatis vetë duhet: Një tenxhere me 400 ml qumësht dhe lëkura limoni. Ziejm qumështin dhe e lemë të ftohet pak. Marrim një gotë uji të madhe me qumësht të ftohtë dhe i hedh 80 gr niseshte dhe lëngun e 1 limoni dhe 150 gr sheqer.

E përziejm mirë dhe e hedhim në tenxhere, e vendosim sipër zjarrit dhe e përziejm deri sa të formohet kremi. E heqim nga zjarri dhe e ndajmë në dy pjesë të barabarta. Tek njëra prej tyre hedhim një çokollatë dhe e përziejm derisa të shkrihet çokollata. Nëse ju duket e vështirë mund të gjeni në supermerkate krem të gatshëm. Ju bëftë mirë