Shëndetlie ( Receta gatimi nga Ervina Saliu )

Në nje tas hedhim 3 vezë dhe gjysëm filxhani sheqer, i rrahim për disa minuta gjer sa të marë një ngjyrë të hapur, më pas i shtojmë 150 gramë gjalp të shkrirë dhe të ftohur më parë, e rrahim pak akoma, i shtojmë 4 lugë mjalt, një filxhan qumësht.

Në një tas tjetër kemi përzier 3 filxhana miell me një pako pluhur pjekës, 2 filxhana arra në copa të mëdha, pak kripë, e shtojmë te masa e lëngshme dhe e punojmë për shumë pak minuta sa të bëhet një masë homogjene, e pjekim në 180 gradë për 40-45 minuta.

Ndërkohë përgatitim shërbetin:
Në enë hedhim 2 filxhana me sheqer, 2 filxhana me ujë, 2 lugë mjalt dhe lëkurën e një portokalli, e vemë të ziej nga momenti që mer valë për 10 minuta. E lemë të ftohet mirë shërbetin, kur ëmbëlsira të jetë pjekur e nxjerrim nga furra, e lemë për 5 minuta jashtë më pas e presim dhe e shërbetosim. E mbulojmë dhe e lemë për 1 orë, nga lart e servirim me arra të bluara nëse dëshirojmë. Ju bëftë mirë