Shpërndaje
Hapje e plotë
print
Duhet të jeni të identifikuar për të ruajtur
Identifikohu / Rregjistrohu
Ruaje
Duhet të jeni të identifikuar për të vlerësuar
Identifikohu / Rregjistrohu
Vlerëso
pule me bajame

Pulë me bajame ( Receta gatimi nga Brikena Metaj )

Pulë me bajame. Receta gatimit është dërguar nga Brikena Metaj 8 shkurt 2014. Foto © Brikena Metaj

Një pjatë me shije të forta për të kujtuar ose për të ëndërruar. Receta e duhur për një fundjavë fantastike.

  • Për të shfletuar të gjitha recetat e gatimit nga Brikena Metaj klikoni këtu
  • Për të tjera receta gatimi me mish pule klikoni këtu
  • Kushdo që ka dëshirë të publikojë fotot e gatimeve të tij/saj dhe receta gatimi në KuzhinaIme.al është i/e mirëpritur, mësoni më shumë duke klikuar këtu

Mësoni si të përgatisim pulë me bajame duke ndjekur udhëzimet në vijim

431 shikime

pule me bajame

Përbërësit

1 pulë

Lëngu i një limoni

1 qepë

8 thelpinj hudhër

50 gr bajame

Erëza të ndryshme (karafil, kanellë, piper I zi, curry)

5 lugë kos

1 spec djegës

Vaj ulliri,

majdanoz ose kopër dhe kripë

Përgatitja

1

Lajmë pulën e prerë,e thajmë, largojmë lëkurën dhe dhjamin dhe e vendosim në një enë. Përziejmë lëngun e limonit me pak kripë. E hedhim mbi pulë dhe e përziejmë. Mbulojmë me një pecetë kuzhine dhe e lemë të pushojë për të paktën një orë në frigorifer.

2

Përgatitim marinimin: Shtypim thelpinjtë e hudhrës dhe i grijmë. Grijmë qepën dhe i kaurdisim bashkë në një tigan me 2 lugë vaj ulliri; më pas të gjitha I hedhim në një enë tjetër. Skuqim për disa minuta në një tigan që nuk ngjit edhe bajamet, I shtojmë në enën ku kemi qepët bashkë me kosin, specin djegës, pak kripë dhe erëzat. Përziejmë mirë marinadën. Me një thikë të mprehtë në mënyrë që të depërtojë mirë marinimi bëjmë në copat e pulës ca prerje të lehta. Hedhim përzierjen mbi pulën, mbulojmë dhe lëmë të pushojë në frigorifer për 12 orë.

3

Piq dhe shërbe: Pastrojmë pulën nga marinimi, e vendosim mbi grilën e sobës duke ruajtur marinimin e përgatitur. Vendosim nje tepsi me pak ujë poshtë grilës në mënyrë që të grumbullohet yndyra që do të lëshojë pula gjatë pjekjes. Duke e spërkatur herë pas here me marinadën e përgatitur pjekim për të paktën 45 min në temperaturë mesatare. Në gjysmën e pjekjes kthejmë nga ana tjetër. Në përfundim vendosim pulën në një pjatë, zbutim me ndonjë lugë marinadë, spërkatim me majdanoz të grirë dhe servirim.
Ju bëftë mirë!

Brikena Metaj ka dërguar në KuzhinaIme.al 43 receta gatimi me fotot origjinale të gatimeve të saj. Klikoni mbi emrin e autores për të shfletuar të gjitha recetat e gatimit nga Brikena Metaj.

Lini një Përgjigje

Kuzhinaime.al
Mbylle hapjen e plotë
%d bloggers like this: